“Neftçi” – “Zirə” matçının hakim təyinatları açıqlandı

  27 Noyabr 2020    Oxunub : 1502
“Neftçi” – “Zirə” matçının hakim təyinatları açıqlandı
Futbol üzrə Azərbaycan Premyer Liqasının XI turu çərçivəsində keçiriləcək “Neftçi” – “Zirə” oyununun hakim təyinatları açıqlanıb.
Azvision.az Peşəkar Futbol Liqasının (PFL) saytına istinadən xəbər verir ki, noyabrın 28-də “Bakcell Arena”da keçiriləcək matça saat 14:00-da start veriləcək. Görüşü Vüqar Həsənli idarə edəcək.

Həmin gün baş tutacaq “Sumqayıt” – “Zirə” matçı bəzi futbolçuların yenidən COVID-19 testindən keçəcəyi üçün təxirə salınıb.

Noyabrın 29-da “ASK Arena”da keçiriləcək “Keşlə” – “Sabah” oyunu saat 16:00-da başlayacaq. Tura həmin gün keçiriləcək “Səbail” - “Qarabağ” oyunu ilə yekun vurulacaq. Qarşılaşma saat 16:00-da start götürəcək. Bu iki oyunun hakimləri isə hələ müəyyənləşməyib.

Turun bütün görüşləri “CBC Sport” kanalı ilə birbaşa yayımlanacaq.

Qeyd edək ki, 10 turdan sonra turnir cədvəlinə 18 xalla “Qarabağ” klubu başçılıq edir. Eyni xala malik olan “Zirə” ikinci, 17 xalı olan “Neftçi” isə üçüncü yerdə qərarlaşıblar. Digər pillələrdə müvafiq olaraq “Sumqayıt” (15), “Keşlə” (12), “Sabah” (9), “Səbail" (9) və “Qəbələ” (8) yer alıblar.

Azvision.az

Teqlər: PFL   Hakim