Macarıstanda kommunal xidmətlər 20 faiz ucuzlaşıb

Macarıstanda kommunal xidmətlər 20 faiz ucuzlaşıb
  09 Fevral 2014    Oxunub:1097
Macarıstanda kommunal xidmətlər artıq üçüncü dəfə ucuzlaşacaq.

Macarıstan əhalisi üçün kommunal xidmətlərin qiymətləri ötən ildən başlayaraq artıq üçüncü dəfə ucuzlaşacaq.

AzVision.az xəbər verir ki, Macarıstan parlamenti kommunal xidmətlərin qiymətlərinin ucuzlaşdırılması barədə müvafiq qanun qəbul edib.

Sənəddə deyilir: “Aprelin 1-dən qazın qiymətləri 6,5 faiz, sentyabr ayından elektrik enerjisinin qiymətləri 5,7 faiz, oktyabr ayından mərkəzləşdirilmiş istilik təchizatının qiymətləri 3,3 faiz azaldılmalıdır”.

Macarıstan əhalisinin təbii qaz, elektrik enerjisi, mərkəzləşdirilmiş istilik sistemi, su təchizatı, kanalizasiya və zibil daşınması xidmətlərindən istifadə qiymətləri ötən ilin iyul və oktyabr aylarından başlayaraq, orta hesabla, 20 faiz azaldılıb.

Macarıstanda ailə büdcəsinin orta hesabla beşdəbir hissəsi kommunal xidmətlərin ödənməsinə sərf olunur.

Müxalifət hökuməti aprel ayına nəzərdə tutulan parlament seçkiləri ərəfəsində pensiyaçıların və aztəminatlı ailələrin səslərini qazanmağa cəhd göstərməkdə ittiham edir.

AzərTAc


Teqlər:





Xəbər lenti