Qazaxıstan Prezidenti Fərhad Abdullayevi təltif etdi

Qazaxıstan Prezidenti Fərhad Abdullayevi təltif etdi
  02 Dekabr 2020    Oxunub:1978
Qazaxıstan Prezidenti Kasım-Jomart Tokayevin sərəncamı ilə Azərbaycan Konstitusiya Məhkəməsinin sədri Fərhad Abdullayev Qazaxıstanın II dərəcəli “Dostık” ordeni ilə təltif edilib.
Qazaxıstanın Bakıdakı səfirliyindən Azvision.az -a verilən məlumata görə, F.Abdullayev konstitusionalizm ideyaların və prinsiplərin inkişafına, Qazaxıstanın və Azərbaycanın konstitusional orqanları və xalqları arasında mövcud olan dostluğun və əməkdaşlığın möhkəmləndirilməsinə verdiyi böyük töhfələrə görə təltif olunub.

Qazaxıstanın Bakıdakı səfiri S.Abdıkarimov F.Abdullayevə medalı təqdim edib.

Diplomat Azərbaycan Konstitusiyasının 25-illiyi və işğal olunmuş ərazilərin azad edilməsi, həmin ərazilərdə Konstitusiya nəzarətin və qanuniliyin, Azərbaycanın ərazi bütövlüyünün beynəlxalq hüquq və BMT Təhlükəsizlik Şurasının qətnamələri əsasında bərpa edilməsi ilə əlaqədar öz təbriklərini çatdırıb.

Səfir, həmçinin, qardaş ölkələrin və xalqların rifahı naminə Azərbaycan Konstitusya Məhkəməsinin rəhbərliyinə və kollektivinə Qazaxıstan Konstitusiya Şurası ilə ikitərəfli və çoxtərəfli formatda uzunmüddətli əməkdaşlığa və faydalı tərəfdaşlığa görə təşəkkür edib.

Pərvanə Sultanova
Azvision.az


Teqlər: FərhadAbdullayev  





Xəbər lenti