“Qarabağın kimə məxsus olması BMT qətnamələrində göstərilib” - Peskov

  04 Dekabr 2020    Oxunub : 1743
“Qarabağın kimə məxsus olması BMT qətnamələrində göstərilib” -  Peskov
Rusiya digər ölkələr kimi Dağlıq Qarabağın statusu ilə bağlı mövqeyini dəyişməyib.
Azvision.az xəbər verir ki, bunu Rusiya Prezidentinin mətbuat katibi Dmitri Peskov deyib.

"Bu ərazinin kimə məxsus olması Təhlükəsizlik Şurasının müvafiq qətnamələri ilə çoxdan müəyyənləşdirilib. Bütün bunlar Təhlükəsizlik Şurasının qətnamələrində göstərilib. Rusiya heç nəyi dəyişməyib. Əslində heç bir ölkə dəyişmədi", - deyə Peskov müharibədən və atəşkəs razılaşmasından sonra Qarabağın statusu məsələsində Rusiyanın münasibətində hər hansı dəyişikliyin ola bilməsi sualını cavablandırarkən deyib.

"Prezident Putin Qarabağın özü-özünü tanımadığını, hətta Ermənistan tərəfindən də tanınmadığını söyləyib. Prezident bu barədə danışıb”, - Kreml sözçüsü əlavə edib.

Pərvanə Sultanova
Azvision.az

Teqlər: Qarabağ