Qurumdan Azvision.az -a verilən məlumata görə, Ombudsman Aparatının əməkdaşları Səhiyyə Nazirliyinin 1 nömrəli körpələr evində, Penitensiar Xidmətin Tərbiyə müəssisəsində olub, uşaqlara və müəssisə əməkdaşlarına qarşıdan gələn bayramlar münasibətilə Ombudsman Səbinə Əliyevanın təbriklərini çatdırıb, onlara bayram sovqatı təqdim ediblər.
Penitensiar Xidmətin 4 saylı cəzaçəkmə müəssisəsinə növbəti başçəkmə çərçivəsində körpə uşağı olan məhkum qadınlar üçün nəzərdə tutulmuş korpusa baxış keçirilib, məhkum analara Ombudsmanın təbrikləri çatdırılıb və sovqatlar təqdim edilib.
Qeyd olunan müəssisələrin rəhbərliyi ilə saxlanma şəraitinin təkmilləşdirilməsi, saxlanılan şəxslərin hüquqlarının təmin edilməsinə diqqətin artırılması məqsədilə milli və beynəlxalq qanunvericiliyə əsaslanaraq tövsiyyələr verilib.
Azvision.az
Ombudsmanın təşəbbüsü ilə müəssisələrə baş çəkilir
30 Dekabr 2020
Oxunub:1395
Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevanın tapşırığı ilə 31 dekabr – Dünya Azərbaycanlılarının Həmrəylik Günü və Yeni il ərəfəsində növbəti başçəkmələr Səhiyyə Nazirliyinin 1 nömrəli körpələr evi, Ədliyyə Nazirliyi Penitensiar Xidmətinin yetkinlik yaşına çatmayanlar üçün Tərbiyə müəssisəsi və 4 saylı cəzaçəkmə müəssisəsində təşkil edilib.
Teqlər: Ombudsman Penitensiar-Xidmət
Vaxtında, Aydın, Lazımlı!
