Ölkədə koronavirus xəstələri üçün 46 xəstəxana var

Ölkədə koronavirus xəstələri üçün 46 xəstəxana var
  21 Yanvar 2021    Oxunub:1391
COVID-19 virusunun Azərbaycan ərazisində yarada biləcəyi təhlükənin qarşısının alınması məqsədi ilə 2020-ci ilin əvvəlindən başlayaraq zəruri qabaqlayıcı tədbirlər görülüb, profilaktik və təxirəsalınmaz qərarların həyata keçirilməsi üçün Azərbaycan Respublikası Nazirlər Kabinetinin yanında Operativ Qərargah yaradılıb.
Dövlət Statistika Komitəsindən Azvision.az -a verilən məlumata görə, virusun geniş yayılmasının qarşısının alınması məqsədi ilə ölkə ərazisində çevik və sistemli preventiv tədbirlərin davamı olaraq 2020-ci il 14 mart tarixindən social izolyasiya qaydaları tətbiq olunmuş və xüsusi karantin rejimi elan edilib.

COVID-19 virusunun diaqnostikası, habelə bu virusun törətdiyi xəstəliyin müalicəsi üçün Avropa istehsalı olan laborator testlər, tibb avadanlığı və ləvazimatlar, qoruyucu vasitələr ölkəyə gətirilib, ölkə ərazisində zəruri sayda müvafiq funksional laboratoriyaların fəaliyyəti təmin edilib, paytaxt və regionlarda xüsusi rejimli xəstəxanalar yaradılıb.

Hazırda ölkəmizdə koronavirus xəstələri üçün 46 xəstəxana fəaliyyət göstərir. Eyni zamanda, virusla mübarizə sahəsində ölkədəki tələbatı qarşılamaq məqsədi ilə qısa zamanda qoruyucu maska, dezinfeksiyaedici məhlul və digər zəruri tibbi ləvazimatların istehsalına başlanılıb.

Azvision.az




Teqlər: Xəstəxana   Koronavirus  





Xəbər lenti