Çörəyin satışı daha bir il vergidən azad edilir

  26 Yanvar 2021    Oxunub : 2005
 Çörəyin satışı daha bir il vergidən azad edilir
Azərbaycanda buğdanın idxalı və satışı, buğda ununun və çörəyin istehsalı və satışı daha 1 il müddətinə vergidən azad olunur.
Azvision.az xəbər verir ki, bununla bağlı Vergi Məcəlləsinə dəyişiklik edilir. Dəyişikliyə əsasən, vergidən azadetmə 2022-ci ilədək davam edəcək.

Xatırladaq ki, buğdanın idxalı və satışı, buğda ununun, çörəyin istehsalı və satışı 2021-ci il yanvarın 1-dək vergidən azad edilmişdi.

Habelə, kəpəyin istehsalı və satışına tətbiq edilən azadolmanın 2021-ci ilin mart ayının 1-də bitdiyini və heyvandarlıq və quşçuluq sənayesinin inkişaf etdirilməsi nəzərə alınaraq həmin azadolmanın müddətinin daha 1 il müddətinə uzadılması təklif olunur.

Anar Kəlbiyev
Azvision.az

Teqlər: Çörək   Vergi