Yüksək Texnologiyalar Parkına yeni rəhbər təyin olundu

Yüksək Texnologiyalar Parkına yeni rəhbər təyin olundu
  05 Fevral 2021    Oxunub:3970
AMEA-nın Yüksək Texnologiyalar Parkına yeni baş direktor təyin olunub.
Azvision.az xəbər verir ki, bu vəzifəyə texnika elmləri doktoru, professor Əbülfəz Babayev təyin edilib.

AMEA-nın birinci vitse-prezidenti, akademik Dilqəm Tağıyev baş direktoru kollektivə təqdim edib.

AMEA-dakı qanun pozuntusu faktları ilə bağlı cinayət işi başlanıb
Akademiyanın rəsmisi çıxış edərək professor Əbülfəz Babayevi bu təyinat münasibətilə təbrik edib. Bildirib ki, uzun müddət sənayenin müxtəlif sahələrində çalışan və geniş təcrübəyə malik olan tanınmış kimyaçı alim Əbülfəz Babayevin YT Parka baş direktor seçilməsi Texnoparkda aparılan işlərin daha da sürətlənməsinə, qurumun fəaliyyətinin səmərəliliyinin artırılmasına imkan verəcək.



O, Əbülfəz Babayevin öz zəngin idarəçilik təcrübəsi ilə bu vəzifənin öhdəsindən layiqincə gələcəyinə və texnoparkın inkişafına mühüm töhfələr verəcəyinə əminliyini ifadə edib, professora fəaliyyətində uğurlar arzulayıb.

Qeyd edək ki, Əbülfəz Babayev ABŞ Nyu-York Elmlər Akademiyasının həqiqi üzvü, Beynəlxalq Mühəndislər Akademiyasının həqiqi üzvü, eləcə də Azərbaycan Mühəndislər Akademiyasının həqiqi üzvüdür. Alim 329 elmi əsər, 105 elmi ixtira və patent, 10 dərslik, 8 metodik vəsait və 2 monoqrafiyanın müəllifidir. Onun rəhbərliyi altında 6 fəlsəfə doktoru, 1 elmlər doktoru dissertasiyası yerinə yetirilib.

Azvision.az


Teqlər: AMEA  





Xəbər lenti


Azvision.az ©2014 | Bütün hüquqları qorunur