Məhəmməd Əlini məğlub edən boksçu xərçəngdən öldü

  07 Fevral 2021    Oxunub : 2201
Məhəmməd Əlini məğlub edən boksçu xərçəngdən öldü
Dünya Boks Şurasının və Beynəlxalq Boks Assosiasiyasının versiyaları üzrə superağır çəkidə dünya çempionu olmuş amerikalı idmançı Leon Spinks vəfat edib.
Azvision.az xarici KİV-ə istinadən xəbər verir ki, Leon Spinks 67 yaşında dünyasını dəyişib. Onun onkoloji xəstəlikdən öldüyü bildirilir.

Məlumata görə, boksçuya beş il əvvəl prostat xərçəngi diaqnozu qoyulub. Həkimlərin səylərinə baxmayaraq, keçmiş çempionun həyatını xilas etmək mümkün olmayıb.

Qeyd edək ki, L.Spinks 1976-cı ildə olimpiya çempionu tituluna sahib olub. 1978-ci ildə əfsanəvi Məhəmməd Əlini məğlub edərək dünya şöhrəti qazanıb.

Azvision.az

Teqlər: Boks   Çempion