“Çox mühüm bir mərhələyə gəlib çatmışıq” - ÜST rəsmisi

“Çox mühüm bir mərhələyə gəlib çatmışıq” - ÜST rəsmisi
  15 Fevral 2021    Oxunub:2067
Koronavirus pandemiyası həyatımızda gördüyümüz ən pis pandemiyadır və qlobal olaraq bütün dünyaya təsir edib.
Azvision.az xəbər verir ki, bunu Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı deyib.

Hande Harmancı peyvənd olundu
Onun sözlərinə görə, baxmayaraq ki, bütün ölkələr təsirə məruz qalıb, lakin ən kasıblar daha çox əziyyət çəkir: "Sözsüz ki, daha həssas ölkələr və əhali qrupları daha çox təsirə məruz qalıb. Yaxşı xəbər budur ki, dünya səviyyəsində yeni yoluxma hallarının sayı azalmaqdadır. Təxminən 70 faizə qədər azalma var. Lakin bir çox ölkədə gündəlik yoluxma hallarında artım müşahidə olunur".

H.Harmancı bildirib ki, pandemiya qlobal səviyyədə səhiyyə sisteminin hazırlığı və çevikliyinin əhəmiyyətini bir daha ön plana çıxarıb.

“Pandemiyanın ilk ilini arxada qoyandan sonra qlobal səylər nəticəsində əlimizdə artıq bir sıra vaksinlər və diaqnostika metodologiyası var. Bunlarla pandemiyaya nəzarət etmək mümkündür. Bu, həm ümid yaradır, həm də sınaqdır. Sözsüz ki, pandemiya ilə mübarizədə çox mühüm bir mərhələyə gəlib çatmışıq. Vaksinasiyadan əlavə, əl gigiyenasına, fiziki məsafə prinsiplərinə maska istifadəsinə diqqət yetirilməlidir. Virusun yeni variantları, ştammları ortaya çıxa bilər”, - deyə ÜST rəsmisi qeyd edib.

Azvision.az


Teqlər: HandeHarmancı  






Xəbər lenti


Azvision.az ©2014 | Bütün hüquqları qorunur