Bunu Azvision.az -a mərhum xanəndə Qədir Rüstəmovun həyat yoldaşı Fatma Rüstəmova deyib. O, ailəsinin doğma yurduna getməyi səbirsizliklə gözlədiyini dilə gətirib:
“Biz Ağdamda İsmət Qayıbov küçəsində, Çörək muzeyinə yaxın ərazidə yaşayırdıq. İndi evimizin yerində xarabalığı qalıb. Ancaq o xarabalığın, daşın-kəsəyin də həsrətini çəkirik. O yerlərin söküyü, qırığı da bizə əzizdir. Ağdama getmək, küçəmizi tapmaq istəyirəm. Əzizlərimizin məzarları dağıdılıb, ancaq yenə də ürəyimdən onları axtarmaq keçir. Qədir müəllimin valideynlərinin, cavan qardaşının, mənim atamın, nənəmin qəbirləri Ağdamdadır.
Hər tərəf minalıdır deyə hələlik Ağdama getməyə icazə vermirlər. Novruz bayramından sonra Ağdamdakı evimizin xarabalıqlarına baş çəkmək üçün müraciət edəcəyəm.
Mənim atam dindar idi. O, Ağdam Cümə məscidində 40 il Quran oxuyub. Cümə məscidi mənə atamı xatırladır. Milli qəhrəmanımız Allahverdi Bağırov Qədirin ən yaxın dostlarından biri idi. Biz söz vermişik ki, Ağdama gedəndə birinci onun qəbrini ziyarət edəcəyik. Allahverdi Qədirə silah vermişdi. Yoldaşıma deyirdi ki, narahat olma, ermənilərin axırına çıxacağıq. Qədir müəllim onların toy məclislərində yuxarı başda olardı”.
Şahanə Rəhimli
Azvision.az
“Atam Ağdam məscidində 40 il Quran oxuyub” - Qədir Rüstəmovun xanımı
19 Mart 2021
Oxunub:4472
“Atam 40 il Cümə məscidində Quran oxuyub. Oranı görməyin, Ağdamdakı evimizin xarabalıqlarını ziyarət etməyin həsrətini çəkirik”.
Teqlər: QədirRüstəmov FatmaRüstəmova
Vaxtında, Aydın, Lazımlı!
-1784897739.jpg&h=190&w=280&zc=1&q=100)
-1784897739.jpg&h=120&w=187&zc=1&q=70')
