Evlərdən oğurluq edən keçmiş məhkum tutuldu

  27 Mart 2021    Oxunub : 1130
Evlərdən oğurluq edən keçmiş məhkum tutuldu
Gəncədə oğurluq etməkdə şübhəli bilinən şəxs saxlanılıb.
DİN-in Mətbuat Xidmətinin Gəncə regional qrupundan Azvision.az -a verilən məlumata görə, Gəncə şəhər sakini, əvvəllər məhkum olunmuş, 28 yaşlı Kərim Məmmədov mart ayının 22 və 23-də şəhər ərazisində vətəndaşlara məxsus iki fərdi yaşayış evindən ümumilikdə 5590 manat dəyərində müxtəlif məişət əşyalarını oğurlayıb.

Gəncə ŞBPİ Kəpəz rayon Polis İdarəsinin (RPİ) əməkdaşları tərəfindən K. Məmmədov saxlanılaraq maddi sübutlarla birlikdə istintaqa təhvil verilib.

Faktlarla bağlı cinayət işi başlanılıb, araşdırmalar davam etdirilir.

Azvision.az

Teqlər: DİN