1210 şəhid ailəsinin məişət şəraiti yaxşılaşdırılıb

  03 Aprel 2021    Oxunub : 1852
 1210 şəhid ailəsinin məişət şəraiti yaxşılaşdırılıb
Xəbər veridyimiz kimi, Prezident İlham Əliyevin 24 noyabr 2020-ci il tarixli Sərəncamı ilə yaradılmış Əlaqələndirmə Qərargahının İdarələrarası Mərkəzinin nəzdindəki “Şəhid ailələri üzvlərinin, müharibə ilə əlaqədar əlilliyi olan şəxslərin, müharibə veteranları və iştirakçılarının sosial müdafiəsi üzrə” İşçi Qrupun iclası keçirilib.
Azvision.az xəbər verir ki, iclasda “YAŞAT” Fondunun gördüyü işlər barədə məlumat verilib.

Qeyd olunub ki, 1 aprel 2021-ci il tarixinədək “YAŞAT” Fondunun fəaliyyət istiqamətləri üzrə 16 milyon 718 min 386,33 manat vəsait 1210 şəhid ailəsi üzvü, 1424 yaralı və 3 itkin ailəsi üzvünün məişət şəraitinin yaxşılaşdırılmasına, 32 şəhid ailəsi üzvünün, 1 yaralının təhsil, 479 şəhid ailəsi üzvünün, 322 yaralı və 2 itkin ailəsi üzvünün istehlak kreditləri, 401 şəhid ailəsi üzvü və 97 yaralının tibbi xərclərinə yönəldilib.

Azvision.az

Teqlər: YAŞAT   Qazi