COVAX Azərbaycana vaksinlərin ilk partiyasını göndərdi
Məlumata görə, ölkəmizə ilk mərhələdə Cənubi Koreyadan 84 000 doza “Vaxzevria” (“AstraZeneca” - red) vaksini çatdırılıb. Ümumilikdə isə may ayının sonuna qədər Azərbaycana 432 000 doza vaksinin idxalı planlaşdırılır.
Bununla yanaşı, 8 həftə ərzində Azərbaycana 218 790 doza “Pfizer-BioNTech” vaksininin gətirilməsi nəzərdə tutulub.
Qeyd edək ki, vaksinlərin təhvil alınma mərasimində BMT-nin Azərbaycandakı rezident əlaqələndiricisi Qulam M. İshaqzai, Avropa Ittifaqının Azərbaycandakı nümayəndəliyinin rəhbəri Kestutis Yankauskas, UNICEF-in (BMT-nin Uşaq Fondu) ölkəmizdəki nümayəndəliyinin rəhbəri Edvard Karvardin, səhiyyə nazirinin müavini Viktor Qasımov və digər rəsmilər iştirak ediblər.
Azvision.az