İki paraatletimiz İtaliyada qızıl medal qazandı

  18 Aprel 2021    Oxunub : 2580
İki paraatletimiz İtaliyada qızıl medal qazandı
Azərbaycan Respublikası Milli Paralimpiya Komitəsinin (AMPK) atletika idman növü üzrə idmançıları İtaliyanın Cesolo şəhərində keçirilən dünya Qran-Prisində uğurla çıxış ediblər.
AMPK-dan Azvision.az -a bildirilib ki, turnirdə T12 kateqoriyasında iştirak edən Kamil Əliyev uzunluğa tullanma növündə 6,98 metr nəticə göstərərək qızıl medal qazanıb.

Millimizin digər üzvü, T13 kateqoriyasında mübarizə aparan Orxan Aslanov uzunluğa tullanma yarışlarında 6,78 metrlik nəticə ilə bütün rəqiblərini qabaqlayaraq fəxri kürsünün ən yüksək pilləsinə qalxıb.

Qeyd edək ki, K.Əliyev "Tokio-2020" Yay Paralimpiya Oyunlarına lisenziyasını artıq təmin edib. O.Aslanov isə Paralimpiadaya lisenziya qazanmaq şansını artırıb.

Azvision.az

Teqlər: İtaliya   Yarış   Medal