“Avro-2020”nin kubokunun Bakı səyahəti - FOTOLAR

 “Avro-2020”nin kubokunun Bakı səyahəti -  FOTOLAR
  07 May 2021    Oxunub:4122
İyunun 11-də Romada start götürəcək futbol üzrə Avropa çempionatının əsas mükafatı olan “Anri Delone” kuboku Avropanı səyahətə çıxıb və Budapeştdən sonra ikinci dayanacağı Bakı şəhəridir.
Azvision.az AFFA-ya istinadən xəbər verir ki, kubok artıq Qobustan Dövlət Tarixi-Bədii Qoruğu, İçərişəhər Dövlət Tarix-Memarlıq Qoruğu, Atəşgah Məbədi, Heydər Əliyev Mərkəzi və Bakı Olimpiya Stadionunda olub.

Kubok turu bu gün də davam edəcək və bir neçə saat ərzində Bakının mərkəzi küçələrində yerli sakinlərə təqdim olunacaq.

Turun əsas məqsədi ictimaiyyəti kubokla tanış etmək və “Avro-2020”nin həyəcanını Bakı küçələrinə yaymaqdır.

Kuboku turnirin rəsmi maskotu “Skillzy” və digər personajlar müşayiət edəcək. Kubok turu Bakıdan sonra Danimarkanın paytaxtı Kopenhagendə davam edəcək.





















Azvision.az


Teqlər: Avro-2020   Kubok   Bakı  





Xəbər lenti