Elis Manolova da Olimpiadaya lisenziya qazandı

 Elis Manolova da Olimpiadaya lisenziya qazandı
  08 May 2021    Oxunub:3302
Azərbaycanın qadın güləşçisi Elis Manolova "Tokio-2020" Yay Olimpiya Oyunlarına lisenziya qazanıb.
Azvision.az xəbər verir ki, Bolqarıstanın paytaxtı Sofiyada keçirilən dünya Olimpiya təsnifat turnirində 68 kiloqram çəki dərəcəsində mübarizə aparan güləşçimiz Yunanıstan təmsilçisi Aqora Papavasileuya qalib gələrək dörddəbir finala yüksəlib.

Təmsilçimizin növbəti rəqibi Argentina idmançısı Klara Vaskes olub. Xalçadan qalib ayrılan E.Manolova turnirin yarımfinal mərhələsinə vəsiqə qazanıb. Qazaxıstanlı Jamilya Bakberqenovadan üstün olan E.Manolova finala yüksəlməklə Olimpiadaya lisenziyanı təmin edib.

Final görüşü mayın 8-də təşkil olunacaq.

Qeyd edək ki, qadın güləşçilərimizdən səkkizqat Avropa çempionu Mariya Stadnik da "Tokio-2020"yə vəsiqəni təmin edib.

Azvision.az


Teqlər: ElisManolova  





Xəbər lenti