Spiker Türkiyənin yeni səfiri ilə görüşdü
Türkiyə və Azərbaycanın qanunverici orqanları arasında münasibətlərdən danışan spiker Sahibə Qafarova, hər iki ölkənin parlamentində geniş tərkibli dostluq qruplarının fəaliyyət göstərdiyini bildirib. Vurğulanıb ki, deputatlarımızın müxtəlif platformalarda mütəmadi görüşləri tərəfləri maraqlandıran məsələlərin müzakirəsi baxımından çox önəmlidir.
Türkiyənin ölkəmizdə yeni təyin olunmuş səfiri Cahit Bağçı səmimi qəbul üçün minnətdarlığını ifadə edərək, Türkiyə Böyük Millət Məclisinin Sədri Mustafa Şentopun səmimi salamlarını Milli Məclisin Sədrinin diqqətinə çatdırıb. Türkiyə və Azərbaycan arasında münasibətlərin bütün sahələrdə uğurla inkişaf etdiyini, iki qardaş ölkənin bütün məsələlərdə bir-birini dəstəklədiyini qeyd edən səfir dost və qardaş Azərbaycanda fəaliyyət göstərməyin onun üçün şərəfli və böyük məsuliyyət olduğunu deyib. O, fəaliyyəti dövründə əlaqələrimizin daha da dərinləşməsi üçün səylərini əsirgəməyəcəyini bildirib.
Milli Məclisin Sədri səfirə Azərbaycandakı diplomatik fəaliyyətində uğurlar arzulayıb.
Azvision.az
Teqlər: Milli-Məclis Spiker Türkiyə Səfir