Balıqçı gəmilərinin hərəkəti ilə bağlı qaydalar dəyişir

  25 May 2021    Oxunub :430
Balıqçı gəmilərinin hərəkəti ilə bağlı qaydalar dəyişir
Milli Məclisin bu gün keçirilən plenar iclasında “Azərbaycan Respublikasının dövlət sərhədi haqqında” qanuna dəyişiklik müzakirəyə çıxarılıb.
Azvision.az xəbər verir ki, qanuna təklif edilən dəyişikliklər barədə deputat Arzu Nağıyev məlumat verib.

A.Nağıyev bildirib ki, qanun layihəsi balıqçların rifahının yaxşılaşdırılması üçün nəzərdə tutulan bir məsələdir. O qeyd edib ki, dəyişikliyə əsasən, dənizə çıxarkən balıqçılıq təyinatlı mühərrikli kiçikhəcmli gəmilərlə sahildən on dəniz milinədək, digər üzmə vasitələri ilə isə sahildən iki dəniz milinədək uzaqlaşmağa yol veriləcək:

“Əvvəllər qeydə alınmış mühərrikli və mühərriksiz üzmə vasitələrinə dənizə çıxarkən sahildən iki milədək uzaqlaşmağa yol verilirdi.

Bu zaman Hərbi-Dəniz Qüvvələrinin istifadəsində olan üzmə vasitələri, habelə Azərbaycan Respublikasının Ticarət Gəmiçiliyi Məcəlləsinə uyğun olaraq müvafiq icra hakimiyyəti orqanı tərəfindən Dövlət Gəmi Reyestrində qeydiyyata alınan gəmilər və dənizə və sərhədboyu çayların, çöllərin başqa sututarların sularına çıxmağa qeydə alınmış mühərrikli və mühərriksiz üzmə vasitələri nəzərə alınır".

Dəyişikliklər müzakirələrdən sonra səsverməyə qoyularaq II oxunuşda qəbul edilib.

Azvision.az

Teqlər: Balıqçı   Gəmi