Yerə tərəf iki təhlükəli asteroid uçur

  26 May 2021    Oxunub :433
Yerə tərəf iki təhlükəli asteroid uçur
İki böyük asteroid mayın 27-də və iyunun 1-də Yer kürəsinə kifayət qədər yaxın məsafədən keçəcək.
Azvision.az xəbər verir ki, bu barədə Yerətrafı Obyektlərin Tədqiqi Mərkəzinin (CNEOS) mətbuat xidməti məlumat yayıb.

Alimlərin hesablamalarına əsasən, Nyu-Yorkdakı Azadlıq heykəli böyüklüyündə olan 2021 JF1 adlı birinci kosmik obyektin diametri 94 metrdən 210 metrə qədərdir. O, saniyədə 17 kilometr sürətlə hərəkət edir və planetimizin yanından mayın 27-də ötəcək.

Diametri 150-350 metr təşkil edən (Parisdəki Eyfel qülləsi böyüklükdə) ikinci obyekt - 2021 КТ1 astroidi saniyədə 18 kilometr sürətlə uçur və o, iyunun 1-də Yerdən 13 milyon kilometr aralı keçəcək.

Azvision.az

Teqlər: Asteroid   Yer