Boks üzrə yığmamız Tokio-2020-yə 5-ci lisenziyanı qazandı

  06 İyun 2021    Oxunub :393
Boks üzrə yığmamız Tokio-2020-yə 5-ci lisenziyanı qazandı
Boks üzrə Azərbaycan milli komandası Fransanın paytaxtı Parisdə keçirilən Avropa Olimpiya Təsnifat Turnirində Tokio-2020 Yay Olimpiya Oyunlarına beşinci lisenziyanı qazanıb.
Bu barədə Azvision.az -a Azərbaycan Boks Federasiyasındən məlumat verilib.

Yığmanın üzvü Məhəmməd Abdullayev Avropa Olimpiya Təsnifat Turnirində 1/2 finala yüksəlməklə Tokio-2020-də iştirak hüququna sahib olub. +91 kq çəki dərəcəsində mübarizə aparan boksçu ukraynalı Tsotne Roqavanı məğlub edib.

Daha əvvəl Tayfur Əliyev (57 kq), Cavid Çələbiyev (63 kq), Lorenzo Sotomayor (69 kq) və Alfonso Dominqes (81 kq) də Avropa Olimpiya Təsnifat Turnirində Tokio-2020 Yay Olimpiya Oyunlarına lisenziya qazanıblar.

Qeyd edək ki, Tokio Olimpiadası bu il iyulun 23-dən avqustun 8-dək keçiriləcək.

Azvision.az

Teqlər: Boks   Yığma   Komanda