Millimiz səfərdə Moldovaya məğlub oldu

  06 İyun 2021    Oxunub :455
Millimiz səfərdə Moldovaya məğlub oldu
Futbol üzrə Azərbaycan millisi təlim-məşq toplanışı çərçivəsində sonuncu yoldaşlıq oyununu keçirib.
Azvision.az xəbər verir ki, millimiz səfərdə Moldova yığmasının qonağı olub. Kişineudakı “Zimbru” stadionunda keçirilən qarşılaşma meydan sahiblərinin minimal hesablı qələbəsi ilə başa çatıb.

Oyunda yeganə qolun müəllifi 8-ci dəqiqədə Vitaliy Damaşkan olub.

Qeyd edək ki, bu matç iki kollektiv arasında sayca 11-ci görüşdür. İndiyədək baş tutan 10 oyunun 8-i yoldaşlıq, 2-si dünya çempionatının seçmə mərhələ matçlarına təsadüf edib. Bu qarşılaşmaların üçündə Moldova, ikisində Azərbaycan millisi qələbə qazanıb. Beş görüşdə qalib müəyyənləşməyib.

Azvision.az

Teqlər: Milli   Futbol