Vəkillər Kollegiyası mina təxribatı ilə bağlı 230 təşkilata müraciət etdi

   Vəkillər Kollegiyası mina təxribatı ilə bağlı 230 təşkilata müraciət etdi
  07 İyun 2021    Oxunub:819
Sentyabrın 27-də Ermənistan Respublikasının silahlı qüvvələri tərəfindən Azərbaycan Respublikasının mülki əhalisinə qarşı törədilən təxribatlara cavab olaraq başlamış Vətən müharibəsi 10.11.2020-ci il tarixində 3 tərəfli bəyanatın imzalanması və Azərbaycan Ordusunun parlaq qələbəsi ilə sona çatıb.
Həmin Bəyanat imzalanandan sonra, dəfələrlə edilən müraciətlərə, beynəlxalq ictimaiyyətin çağırışlarına baxmayaraq, Ermənistan tərəfi qeyri-insani davranmaqla və beynəlxalq normaları kobud şəkildə pozmaqla işğaldan azad edilmiş ərazilərimizdə uzun illər ərzində bastırdığı minaların xəritələrini qəsdən verməkdən yayınır. O cümlədən, bölgədəki sülh, təhlükəsizlik və əmin-amanlığın bərqərar olmasına mane olmağa davam edərək regional vəziyyəti gərginləşdirir. İyun ayının 4-də Kəlbəcər rayonu ərazisində Ermənistan tərəfindən basdırılmış minaların partlaması nəticəsində iki jurnalist olmaqla üç Azərbaycan vətəndaşı həlak olub, dörd nəfər isə ağır yaralanıb.

Azvision.az xəbər verir ki, bununla bağlı, Azərbaycan Respublikasının Vəkillər Kollegiyası beynəlxalq hüquq-müdafiə təşkilatları, xarici ölkələrin vəkillər kollegiyaları və hüquq cəmiyyətləri daxil olmaqla, ümumilikdə 230 beynəlxalq təşkilata üç dildə rəsmi müraciət ünvanlayıb.

Vəkillər Kollegiyası bu müraciətlə həmin təşkilatları baş verən insan hüquqları pozuntusuna etinasız qalmamağa, səlahiyyətlərindən irəli gələn vəzifələrə məsuliyyətlə yanaşmağa, o cümlədən Ermənistan hərbi-siyasi rəhbərliyini cinayət əməllərindən çəkindirməyə, Ermənistanın minalanmış ərazilərin xəritələrini Azərbaycana verməklə bağlı öhdəliklərinə və beynəlxalq humanitar hüququn normalarına əməl etməsi üçün tədbirlər görmələrinə çağırır!

Qeyd olunan müraciət üç dildə təqdim edirik:

Müraciət: Azərbaycan dilində

Müraciət: Rus dilində

Müraciət: İngilis dilində

Azvision.az


Teqlər: Vəkillər-Kollegiyası   Kəlbəcər  





Xəbər lenti