“Laçın və Kəlbəcərdə 17 maşın mina basdırmışıq” - Erməni polkovnikdən etiraf (VİDEO)

  07 İyun 2021    Oxunub :1539
 “Laçın və Kəlbəcərdə 17 maşın mina basdırmışıq” -  Erməni polkovnikdən etiraf (VİDEO)
Ermənistan ordusunun polkovniki Koryun Qumaşyan Laçın və Kəlbəcər rayonları ərazisinə çoxlu sayda mina basdırdıqlarını etiraf edib.

Azvision.az xəbər verir ki, bu barədə Tvitter sosial şəbəkəsində məlumat yayılıb.
Erməni zabit müsahibəsində Azərbaycanın işğaldan azad edilən ərazilərinə mina yerləşdirdiklərini bildirib.

“Mən və kontingentim Laçın və Kəlbəcər yaxınlığında 17 yük maşını mina basdırmışıq, siz həmin minalara görə, o rayonlarda heç nə edə bilməzsiniz. Hərbi əsirlərimizi bizə qaytarın, mən də mina xəritəsini təqdim edim”, - erməni polkovnik əlavə edib.



Qeyd edək ki, ikinci Qarabağ müharibəsindən sonra Azərbaycan azad edilmiş ərazilərdə mina təhlükəsi ilə üz-üzə qalıb. 44 günlük Vətən müharibəsində ağır məğlubiyyətə düçar olan Ermənistan işğal dövründə Azərbaycan ərazilərində basdırdığı mina xəritələrini verməkdən boyun qaçıraraq, hərbi cinayətlərini davam etdirir.

Baş Prokurorluğun məlumatına görə, 10 noyabr 2020-ci il tarixdən hazırkı vaxtadək işğaldan azad edilmiş ərazilərdə minaya düşmələri nəticəsində 7 hərbi qulluqçu, 20 mülki şəxs həlak olub, 86 hərbi qulluqçu, 29 mülki şəxs isə müxtəlif dərəcəli bədən xəsarətləri alıb.

Pərvanə Sultanova
Azvision.az

Teqlər: Laçın   Kəlbəcər   Mina  






Xəbər lenti