QHT Agentliyinin Müşahidə Şurasının iclası keçirilib

  12 İyun 2021    Oxunub :527
QHT Agentliyinin Müşahidə Şurasının iclası keçirilib
İyunun 11-i Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının növbəti iclası keçirilib.
Azvision.az xəbər verir ki, Müşahidə Şurasının iclasında Agentliyin fəaliyyətinin qurulması prosesində vətəndaş cəmiyyəti təmsilçilərinin iştirakını təmin etmək məqsədi ilə yaxın zamanlarda QHT nümayəndələri və ekspertlərlə görüşlərin keçirilməsi razılaşdırılıb. Eyni zamanda, Agentliyin Müşahidə Şurası üzvlərinin əlaqələndirdiyi sahələr üzrə QHT təmsilçiləri ilə məsləhətləşmələrin aparılması barədə təkliflər müzakirə olunub, onlarla görüşlərin keçirilməsi prosesinə başlanması qərara alınıb.

İclasda mərkəzi və yerli icra hakimiyyəti orqanları yanında yaradılan ictimai şuralarla bağlı vəziyyət müzakirə olunub, bu sahədə problemin öyrənilməsi və tövsiyyələrin hazırlanması üzrə işçi qrup formalaşdırılıb.

Daha sonra ləğv olunmuş Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının ötən dövrdən qalmış öhdəlikləri barədə məsələ müzakirə olunub. Qərara alınıb ki, Agentliyin strukturu müəyyən olunduqdan sonra Şuranın öhdəlikləri barədə arayış hazırlanaraq Müşahidə Şurasının növbəti iclasında yenidən müzakirəyə çıxarılsın.

Sonda Agentliyin əməkdaşlarının işə götürülməsi ilə bağlı komissiya formalaşdırılıb və bu istiqamətdə müvafiq işlərə başlanılması qərara alınıb.

Azvision.az

Teqlər: QHT   Agentlik  






Xəbər lenti