Təhsil Nazirliyi müəllim namizədlərə müraciət etdi

  02 İyul 2021    Oxunub :1142
Təhsil Nazirliyi müəllim namizədlərə müraciət etdi
Təhsil Nazirliyi müəllimlərin işə qəbulu üzrə test imtahanlarında iştirak edəcək namizədlərə müraciət edib.
Nazirlikdən Azvision.az -a verilən məlumata görə, müəllimlərin işə qəbulu üzrə müsabiqədə faktiki yaşayış yerini Mingəçevir, Naftalan, Yevlax şəhəri, Goranboy və Ağdaş rayonu qeyd etmiş namizədlər üçün test imtahanı mərhələsinin Mingəçevir şəhər Texniki Humanitar Liseyində keçirilməsi nəzərdə tutulmuşdu.

İyulun 2-də Mingəçevir şəhər Telekommunikasiya qovşağında baş vermiş qəza ilə əlaqədar olaraq 5-9 iyul tarixlərində Mingəçevir şəhər Texniki Humanitar Liseyində keçiriləcək imtahana dəvət edilmiş namizədlərin imtahan məkanı və saatlarında dəyişiklik edilib.

Namizədlərin imtahan verəcəyi yeni məkan və saatla bağlı müvafiq məlumatlar onların şəxsi səhifələrinə göndərilib.

Namizədlərdən şəxsi səhifələrinə daxil olaraq yenilənmiş məlumatlarla tanış olmaları xahiş olunur.

Azvision.az

Teqlər: Müəllim  






Xəbər lenti