Gəncədə "patı" satışı ilə məşğul olan şəxslər saxlanılıb

Gəncədə "patı" satışı ilə məşğul olan şəxslər saxlanılıb
  03 Avqust 2021    Oxunub:1699
İyul ayının 30-da Gəncə Şəhər Baş Polis İdarəsinin (ŞBPİ) Cinayət Axtarışı İdarəsinin əməkdaşlarının keçirdikləri əməliyyat-axtarış tədbirləri nəticəsində qanunsuz olaraq narkotik maddə əldə edib saxlamaqda şübhəli bilinən şəhər sakini Ceyhun Abdullayev narkotik maddə olan “patı”nı tanışı Əli adlı şəxsdən 20 manata aldığını bildirib. Polis əməkdaşlarının keçirdikləri istintaq-əməliyyat tədbirləri nəticəsində Əli adlı şəxsin kimliyi və yeri müəyyən edilərək ŞBPİ-nə gətirilib.
Daxili İşlər Nazirliyinin Mətbuat Xidmətinin Gəncə regional qrupundan Azvision.az - a verilən məlumata görə, qanunsuz olaraq satış məqsədi ilə narkotik maddə əldə edib saxlamaqda şübhəli bilinən, şəhər sakini Əli Babazadənin üzərinə baxış keçirilən zaman narkotik maddə olan “metamfetamin” aşkar edilərək götürülüb.

Dindirilmə zamanı saxlanılan şəxs narkoti maddəni tanışı Ceyhun Abdullayevə 20 manata satdığını etiraf edib.

Bundan başqa ŞBPİ-nin Narkotiklərlə Mübarizə Bölməsinin əməkdaşlarının da keçirdikləri əməliyyat-axtarış tədbirləri nəticəsində qanunsuz olaraq narkotik maddə olan “metamfetamin” əldə edib saxlamaqda şübhəli bilinən şəhər sakini Nadir Nağızadə saxlanılıb.

Saxlanılan şəxs ifadəsində narkotik maddəni şəxsi istifadə üçün əldə etdiyini etiraf edib.

Aşkar edilən faktlara üzrə Gəncə ŞBPİ-nin İstintaq və Təhqiqat İdarəsində cinayət işləri başlanılıb, faktlarla bağlı araşdırmalar davam etdirilir.





Azvision.az




Teqlər: Gəncə   Patı  





Xəbər lenti