Taliban Faryab əyalətinin inzibati mərkəzini ələ keçirib
14 Avqust 2021
Oxunub:804
Əfqanıstanda gərgin vəziyyət davam edir. Azvision.az xəbər verir ki, bu gün Taliban silahlıları ikinci dəfə mühüm bir şəhərə nəzarəti ələ keçirdiklərini bəyan ediblər.
Silahlılar ölkənin şimal -qərbindəki Faryab əyalətinin inzibati mərkəzi olan Meymene şəhərini zəbt ediblər.
Bununla bağlı hərəkat nümayəndəsi Zabiullah Mücahid "Twitter" hesabında paylaşım edərək deyib ki, Meymendəki valilik idarəsinin binası, polis bölməsi və digər dövlət qurumları artıq Talibanın nəzarətinə keçib. Terrorçuların hökumət ordusunun balansnda olan xeyli sayda silahları da ələ keçirdiyi bildirilir.