Tacikistan ABŞ-a nota verdi

  14 Sentyabr 2021    Oxunub :228
Tacikistan ABŞ-a nota verdi
Tacikistanın Xarici İşlər Nazirliyi (XİN) ABŞ-ın Düşənbədəki səfirinə etiraz notası təqdim edib. Buna səbəb Prezident Co Baydenin 11 sentyabrdakı çıxışı olub.
Azvision.az Tacikistan KİV-lərinə istinadən xəbər verir ki, notada bu cür bəyanatların dostluq və tərəfdaşlıq ruhuna uyğun gəlmədiyi qeyd edilib.

Xatırladaq ki, şənbə günü Pensilvaniya ştatında 11 sentyabr hücumları qurbanlarının xatirəsini yad edən Bayden bildirib ki, amerikalıların əksəriyyəti qoşunların Əfqanıstandan çıxarılmasını dəstəkləyir.

"Amerikalıların 70% -i bu qədər pul xərclədikdən sonra Əfqanıstanı tərk etməyin vaxtının gəldiyini düşünür. Ancaq bəziləri əsgərləri necə təxliyə etməyimizdən razı qalmayıb. Bunun başqa cür edilə biləcəyini kiməsə izah etmək çətindir. Məsələn, Tacikistanda olsaydıq, C-130 [hərbi nəqliyyat təyyarəsi] götürərdik və bizə hər hansı bir şəkildə rəğbət bəsləyən hər kəsin bu təyyarəyə minməsinə icazə verəcəyimizi söyləyərdik, bu halda şassidən yapışan insanlar olacaqdı", - Bayden bildirib.

Pərvanə Sultanova
Azvision.az



Teqlər: ABŞ   Tacikistan   Nota  







Xəbər lenti