Turizm sənayesi nümayəndələrinin Ağdam rayonuna səfər edib

Turizm sənayesi nümayəndələrinin Ağdam rayonuna səfər edib
  13 Noyabr 2021    Oxunub:1026
Noyabrın 13-də Dövlət Turizm Agentliyi tərəfindən turizm sənayesi nümayəndələrinin işğaldan azad olunmuş Ağdam rayonuna səfəri təşkil olunub.
DTA-dan AzVision.az -a verilən məlumata görə, səfərdə Azərbaycanda fəaliyyət göstərən turizm şirkətlərinin və hotellərin nümayəndələri, həmçinin bələdçilər və turizm blogerləri iştirak ediblər.

Səfər çərçivəsində “İmarət” kompleksinə, Çörək muzeyinə, Dram teatrının qalıqlarına baxış keçirilib, eləcə də Şahbulaq qalası, Ağdam Cümə məscidi və Qiyaslı kəndindəki məscid ziyarət olunub.



İştirakçılar 30 illik işğal müddətində “kabus şəhər”ə çevrilən Ağdama qarşı törədilmiş urbisid aktının nəticələrini müşahidə ediblər və rayonun mövcud turizm imkanlarını qiymətləndiriblər.

Səfər iştirakçıları Ağdam şəhəri də daxil olmaqla rayonun yenidənqurulması və bərpası istiqamətində görülən işlərlə tanış olublar.



Qeyd edək ki, Azərbaycan Respublikası Prezidentinin Ağdam üzrə xüsusi nümayəndəliyi tərəfindən “Yolumuz Ağdama” adı ilə səfərlərin Ağdam şəhəri daxil olmaqla rayonun minalardan təmizlənmiş hissəsinə həyata keçirilməsi nəzərdə tutulub.

“Yolumuz Ağdama” səfərləri xüsusi qaydalara əsaslanmaqla təlimlərdən keçmiş bələdçilər, sürücülər və səfər təşkilatçılarının nəzarəti altında təşkil olunacaq.







AzVision.az


Teqlər: Ağdam   Turizm  





Xəbər lenti