Ərdoğan: Son söz millətindir

Ərdoğan: Son söz millətindir
  30 Mart 2014    Oxunub:1116
Türkiyənin Baş naziri Rəcəb Tayyib Ərdoğan və xanımı Əminə Ərdoğan bu gün ölkədə keçirilən bələdiyyə seçkilərində səs veriblər.

AzVision.az türkiyə mətbuatına istinadən xəbər verir ki, Baş nazir jurnalistlərə bildirib ki, son söz millətindir: "Bu vaxta qədər meydanlarda arzuolunmaz açıqlamalar, bəyanatlara rəğmən millətimiz bu gün öz iradəsini ortaya qoyacaq. Millət nə desə, o da olacaq".

Qeyd edək ki, bu gün Türkiyədə bələdiyyə seçkilərinə start verilib. Türkiyədə qeydiyyatdan keçmiş seçicilərin sayı 52 695 831 nəfərdir. Onlardan 26 704 757 nəfəri qadın, 25 991 75 nəfəri isə kişidir. Ölkə üzrə 194 310 seçki qutusu quraşdırılacaq. Yerli bələdiyyə orqanları seçkilərində 26 siyasi partiya iştirak edir.

Səsvermənin nəticələri üzrə bələdiyyə başçıları, bələdiyyə şuralarının üzvləri, həmçinin kənd, şəhər rayonları və məhəllələrin muxtarları müəyyən olunacaq.

Bələdiyyə seçkilərində 26 siyasi partiyanın iştirak etməsinə baxmayaraq, əsas mübarizənin hakim Ədalət və İnkişaf Partiyası (AKP) və Cümhuriyyət Xalq Partiyasının (CHP) nümayəndələri arasında gedəcəyi gözlənilir.


Teqlər:





Xəbər lenti