Əfqanıstanda baş verən partlayışda beş uşaq ölüb
Bölgənin informasiya və mədəniyyət idarəsinin rəhbəri deyib ki, hadisə günorta saatlarında əyalətin inzibati mərkəzi rayonlarından birində - Talukan şəhərində baş verib. Bir qrup azyaşlı partlayıcı qurğunu satış üçün şəhərə gətirməyə cəhd edərkən mina işə düşüb. Partlayış nəticəsində 5 uşaq həlak olub.
Oxşar hadisələr mütəmadi olaraq Əfqanıstanın müxtəlif bölgələrində baş verir. Belə ki, noyabrın 8-də Uruzqan əyalətində mərminin partlaması nəticəsində 3 uşaq həlak olub, daha 5 uşaq yaralanıb. Noyabrın 3-də isə Kunduz vilayətində baş verən partlayışda iki uşaq həlak olub, 5-i yaralanıb.
AzVision.az
Teqlər: Əfqanıstan partlayış