Sabir Rüstəmxanlı AzTV-ni tənqid etdi

   Sabir Rüstəmxanlı AzTV-ni tənqid etdi
  26 Noyabr 2021    Oxunub:638
Xalq şairi, deputat Sabir Rüstəmxanlı Azərbaycan Televiziyasını (AzTV) tənqid edib.

AzVision.az xəbər verir ki, bu barədə feysbuk hesabında paylaşım edən millət vəkili telekanalın “Oxuyur Vətən” layihəsində Əməkdar artist Babək Niftəliyevin “Vətən yaxşıdır” mahnısını Zəngilanda dağıntılar arasında lentə alınmasını birmənalı qaşılamayıb:
“Ənənəvi musiqi üçlüyü: Tar və kamança çalanlar, bir də müğənni, əlində qaval... Çalıb-oxumaq üçün haranı seçsələr yaxşıdır? Zəngilan rayonunun işğalçılar tərəfindən dağıdılmış bir kəndini... Hərəsi bir uçuq divarın üstündə oturublar. Nə olar! Burda da oxumaq olar.

Düşündüm ki, indi savaşın gətirdiyi faciələr haqqında və ya bu kəndin harayına bənzər bir ifa səslənəcək... Ancaq mahnını dinləyəndə heyrətə gəldim. Burada, düşmənin xaraba qoyduğu bu ağlar yurdda da son illər müsiqimizi işğal etmiş şit diringi əsəblərimi cırmaqlamağa başladı...

İnsan gözüyumulu və əhlikef olmalıdır ki, bir yurdun uçuq divarının üstündə, dağılmış bir kənddə oturub “Könüllər cəlb edən bu xoş mənzərə...” deyib oxusun. Görəsən bu üç sənət adamı ətrafa baxmırdılar? Düşünmürdülər ki, bu ürək dağlayan görüntüyə “xoş mənzərə” demək olmaz? AzTV-nin yaxşı niyyət güdən bu layihəsinin belə gülünc hala salınmasına təəssüfləndim...”



AzVision.az


Teqlər:





Xəbər lenti