Ərdoğan və Putin Azərbaycan-Ermənistan münasibətlərini müzakirə ediblər - YENİLƏNİB

  Ərdoğan və Putin Azərbaycan-Ermənistan münasibətlərini müzakirə ediblər -  YENİLƏNİB
  03 Dekabr 2021    Oxunub:2002
Rusiya və Türkiyə prezidentləri Vladimir Putin və Rəcəb Tayyib Ərdoğan arasında telefon danışığı olub.
AzVision.azKremlin mətbuat xidmətinə istinadən xəbər verir ki, Türkiyə tərəfinin təşəbbüsü ilə baş tutan telefon danışığı zamanı Putin Rusiya, Azərbaycan və Ermənistan liderlərinin noyabrın 26-da Soçidə Qarabağla bağlı bəyanatın imzalanmasının ildönümünə həsr olunmuş üçtərəfli görüşünün əsas nəticələri barədə məlumat verib.

Vurğulanıb ki, Bakı və İrəvanın regionda sabitliyin təmin edilməsi kontekstində qarşılıqlı fəaliyyətə, habelə iki dövlət arasında sərhədin delimitasiyası və demarkasiyası mexanizmlərinin yaradılmasına hazırlığının təsdiqlənməsi vacibdir.

Ərdoğan Rusiyanın vasitəçilik rolunun vacibliyini qeyd edərək, səylərin gələcək koordinasiyasının, o cümlədən atəşkəs rejiminə və münaqişə zonasında bütün hərbi əməliyyatlara nəzarət etmək üçün Rusiya-Türkiyə mərkəzinin imkanlarından istifadə edilməsinin tərəfdarı olduğunu bildirib.

Bundan əlavə, ticarət-iqtisadi və nəqliyyat əlaqələrinin bərpası ilə bağlı praktiki məsələlərin həlli istiqamətində fikir mübadiləsi aparılıb.

***
19:34

Türkiyə və Rusiya prezidentləri Rəcəb Tayyib Ərdoğan və Vladimir Putin arasında telefon danışığı olub.

AzVision.az xəbər verir ki, bu barədə “Anadolu” agentliyi məlumat yayıb.

Qeyd olunub ki, dövlət başçıları iki ölkənin münasibətləri, Azərbaycan və Ermənistan arasında baş verən prosesləri müzakirə ediblər. Həmçinin, Suriya, Liviya və Ukrayna başda olmaqla regional məsələlərə dair fikir mübadiləsi aparılıb.

AzVision.az



Teqlər: Rəcəb-Tayyib-Ərdoğan   Vladimir-Putin  





Xəbər lenti