AzVision.az xəbər verir ki, bunu Putinin mətbuat katibi Dmitri Peskov jurnalistlərə deyib.
Onun sözlərinə görə, dövlət başçılarının söhbətinin ilk görüntüləri nümayiş etdiriləcək.
"Biz inanırıq ki, bu, kifayət qədər ətraflı, uzun davam edən video-konfrans olacaq. Bu, təhlükəsiz video rabitə vasitəsilə həyata keçiriləcək. ", - Peskov bildirib.
O əlavə edib ki, iki prezidentin ünsiyyəti Moskva vaxtı ilə təxminən saat 18.00-da baş tutacaq, canlı yayım olmayacaq: "Düşünürəm ki, ünsiyyətin ilk kadrlarını göstərəcəyik, lakin təbii ki, bunlar yalnız ilk kadrlar olacaq. Bütün rabitə bağlı qapılar arxasında aparılacaq", - Peskov deyib.
Ünsiyyət zamanı nümayəndə heyətlərinin iştirak edib-etməyəcəyinə gəlincə, Peskov cavab verib ki, Putin belə görüşlər ərəfəsində həmişə müvafiq qurumların rəhbərləri ilə əlaqə saxlayır: "Bu, birbaşa iki prezidentin söhbəti olacaq. Prezident Baydenin yanında kimin olacağını deyə bilmərəm. Bizim prezidentimiz təbii ki, hər ciddi söhbətdən əvvəl profilli nazirlərlə, qurum rəhbərləri ilə söhbətlər aparır. Ona görə də indiki mərhələdə ikitərəfli münasibətlərimizdə iştirak edənlərin hamısı daim Rusiya prezidenti ilə əlaqə saxlayırlar”.
Pərvanə Sultanova
AzVision.az
"Putin-Bayden danışıqları təhlükəsiz rabitə vasitəsilə aparılacaq" - Kreml
06 Dekabr 2021
Oxunub:973
"Rusiya prezidenti Vladimir Putin və ABŞ lideri Co Bayden arasında dekabrın 7-də keçiriləcək danışıqlar təhlükəsiz videobağlantı vasitəsilə aparılacaq".
Vaxtında, Aydın, Lazımlı!
