"Ermənistan 3+3 formatında ilkin görüşdə iştirak edəcək" - Paşinyan

   "Ermənistan 3+3 formatında ilkin görüşdə iştirak edəcək" -    Paşinyan
  08 Dekabr 2021    Oxunub:839
“Ermənistan 3+3 formatında keçiriləcək ilkin görüşdə iştirak edəcək".
AzVision.az xəbər verir ki, bunu Ermənistanın baş naziri Nikol Paşinyan parlamentdə çıxışında deyib.

O əlavə edib ki, Ermənistan tərəfinin mövqeyi dəyişməz olaraq qalır: "Gündəlikdə başqa formatlarda artıq müzakirə edilən məsələlər olmasa, İrəvan 3+3 formatında maraqlı ola bilər. Biz bu məsələni həmkarlarımızla, xüsusən də Rusiya ilə müzakirə etdik və onların da bu fikri bölüşdüyünə dair siqnallar var".

Paşinyanın sözlərinə görə, dekabrın 10-da işçi qrupun 3+3 və ya ola bilsin ki, 3+2 formatında ilkin görüşü baş tutacaq: "Ermənistan iclasda xarici işlər nazirinin müavini səviyyəsində iştirak edəcək, çünki bu, görüşün nəzərdə tutulduğu səviyyədədir”.

Xatırladaq ki, 3+3 formatı Azərbaycan və Türkiyə liderləri tərəfindən irəli sürülüb. Bu format Azərbaycan, Türkiyə, Rusiya, İran, Ermənistan və Gürcüstan və Azərbaycanın iştirakını nəzərdə tutur.

AzVision.az


Teqlər: Nikol-Paşinyan   3+3-formatı  







Xəbər lenti