"Saakaşvilinin Gürcüstana gəlməsinə sabiq məmur kömək edib" - Prokuror
“Görülən prosessual və istintaq tədbirləri nəticəsində istintaq orqanı Ukrayna ərazisində Saakaşviliyə kimin kömək etdiyini ətraflı şəkildə müəyyən edib. Bu, keçmiş hökumət dövründə təhlükəsizlik departamentinin sabiq yüksək vəzifəli məmuru olub”, - Vepxvadze söyləyib. O, eks-məmurun adını açıqlamayıb.
Prokuror keçmiş prezidentin vəkillərini bütün sübutları etiraf etməyə çağırıb.
Saakaşvili oktyabrın 1-də Gürcüstanda saxlanılıb. O, bir sıra cinayətlərdə ittiham olunur. Sabiq prezident özünü “siyasi məhbus” adlandırır, o, həbs olunduğu andan aclıq aksiyasına başlayıb.
Bu gün Tbilisi şəhər məhkəməsi Saakaşvilinin sərhədi qanunsuz keçməsi ilə bağlı işə baxır. Daha əvvəl bildirilib ki, səhhətinə görə, o, məhkəmə iclasına gələ bilməyəcək.
Pərvanə Sultanova
AzVision.az
Teqlər: Mixeil-Saakaşvili