Nəşrin dərc etdiyi məqalədə qeyd edilir ki, ABŞ-ın Suriyada məxfi fəaliyyət göstərən xüsusi təyinatlıları hava hücumları üçün səhv hədəflər təklif ediblər. Bu bölmənin davranışları çox vaxt mülki əhalinin itkisi ilə nəticələnirmiş.
Anonim mənbələr qəzetə Suriyada fəaliyyət göstərən “Talon Anvil” dəstəsi barədə məlumat verib. Bildirilir ki, bölmə təhlükəsizlik standartlarını pozub və alınan kəşfiyyat məlumatı həmişə yoxlanılmayıb. Bu bölmənin 2014-cü ildən 2019-cu ilə qədər fəaliyyət göstərməsi Mərkəzi Kəşfiyyat İdarəsi və digər hərbi qulluqçuların narahatlığına səbəb olub. "Talon Anvil" bölməsinin sayı 20 nəfərdən çox olmayıb və məlum hədəflərə qarşı bütün hərəkətlərin koordinasiyası zamanı 112 minə qədər raket və bomba atılıb.
- Zərbələr çox vaxt mülki əhalinin itkisi ilə nəticələnib, ailələr, uşaqlar, fermerlər və döyüşlərdən qaçaraq sığınacaq tapmağa çalışan hər kəs öldürüldü. Maraqlıdır ki, çoxlu sayda zərbələr yüksək rütbəli hərbçilərin əmri ilə deyil, yalnız qrup daxilindəki komandirlərin təşəbbüsü ilə endirilib,-məqalədə yazılıb.
Tural Tağıyev
AzVision.az
Vaxtında, Aydın, Lazımlı!
