Ukrayna sərhədində nüvə zərbələri əmri verən təyyarə peyda olub

Ukrayna sərhədində nüvə zərbələri əmri verən təyyarə peyda olub
  16 Dekabr 2021    Oxunub:1707
Son zamanlar Rusiya ilə Ukrayna arasında olan gərginlik daha da artıb. Qərb mediası Kremlin Ukrayna torpaqlarını işğala hazırlaşdığını, sərhədə minlərlə hərbçi yerləşdirdiyini yazır. Rəsmi Moskva isə bu cür iddiaları qəbul etmir.
AzVision.az xəbər verir ki, belə bir gərginlik fonunda xarici KİV-lərdə narahatlıq doğuran yeni məlumat yayılıb. Ukrayna saytları Kayl Qlenin “Twitter” hesabında paylaşdığı informasiyaya istinad edərək yazırlar ki, Rusiya-Ukrayna sərhədi yaxınlığında "İl-96-300PU" təyyarəsi (idarəetmə məntəqəsi-red) görünüb.

- Ola bilsin ki, təyyarə Rusiyanın Ukraynaya mümkün hücumu ilə bağlı sınaqdan keçirilir,-"Dialogue.ua" nəşri yazıb.

Məqalədə qeyd edilir ki, "İl-96-300PU" altı nüsxədə yaradılıb. Təyyarə nüvə münaqişəsi zamanı silahlı qüvvələrə nəzarət etməyə imkan verən avadanlıqla təchiz edilib.



"Rusiya Ukrayna ilə müharibədə tanklardan istifadə etməyəcək"- Korotçenko
Rusiya mediası isə yazır ki, əslində jurnalistlər bu hərbi hava gəmisini "Qiyamət günü" təyyarəsi adlandırılan və İl-96-a çox bənzəyən İl-80-lə səhv salırlar.

- RA-96024 bort nömrəli "İl-96-300PU"-ya gəlincə, bu təyyarə Xüsusi Uçuş Qrupu (SLO) üçün hazırlanıb və ilk uçuşunu 9 aprel 2021-ci ildə edib. Pəncərələrin mövcudluğuna görə, o, "salon" versiyasında qurulub və ölkənin yüksək səviyyəli rəhbərlərinin uçuşlarına xidmət etmək üçün nəzərdə tutulub.



Voronej aviasiya zavodunda (VASO) hazırlanmış təyyarə hazırda sınaqdan keçirilir. Təbii ki, sınaq uçuşları zavodun uçuş-enmə zolağının yaxınlığında və Voronej vilayəti üzərində həyata keçirilir. Bu səbəbdən də o müşahidə edilib. O da məlumdur ki, haqqında söz açılan təyyarə buraxıldığı gündən beş dəfə uçuş həyata ekçirib. Sonuncu uçuş bu ilin dekabrın 15-nə təsadüf edib.

Tural Tağıyev
AzVision.az



Teqlər:   Rusiya   Ukrayna   Təyyarə  



Xəbər lenti


Azvision.az ©2014 | Bütün hüquqları qorunur