"2024-cü ildə ABŞ-da vətəndaş müharibəsi olacaq"- “The Washington Post”

"2024-cü ildə ABŞ-da vətəndaş müharibəsi olacaq"- “The Washington Post”
  18 Dekabr 2021    Oxunub:1390
ABŞ-da 2024-cü ildə keçiriləcək prezident seçkiləri hərbçilərin də qatılacağı qarşıdurmalara, hətta dövlət çevrilişinə cəhdə səbəb ola bilər. AzVision.az xəbər verir ki, bu barədə “The Washington Post” qəzeti məlumat yayıb.
Nəşr istefada olan general-mayorlar Pol İton, Antonio Taquba və briqada generalı Stiven Andersonun açıqlamalarına istinadən belə bir iddia ortaya qoyub.

Kapitolidə 50-dən çox polis yaralanıb
Ehtiyatda olan yüksək rütbəli zabitlər qeyd edirlər ki, ABŞ Silahlı Qüvvələri əsgərlərinin əhval-ruhiyyəsində artıq mümkün xaos əlamətləri də var. Onlar 2021-ci il yanvarın 6-da Kapitoliyə hücumda həyəcan doğuracaq sayda veteran və hərbçilərin iştirak etdiyinə diqqət çəkiblər. 124 istefada olan hərbçi “Flag Officers 4 America” portalı adından prezident seçkilərinin nəticələrini saxtalaşdırılmasına görə ABŞ-ın keçmiş prezidenti Donald Trampa dəstək məktubu dərc edib.

Qeyd olunur ki, daxili parçalanma halında bəzi hərbi qulluqçular hazırkı prezident Co Baydenin əmrlərini yerinə yetirməkdən imtina edə bilərlər. Belə bir ssenari isə vətəndaş müharibəsinə gətirib çıxara və bu situasiya ABŞ əleyhdarları tərəfindən istifadə oluna bilər. İstefada olan generallar vəziyyətin belə inkişaf etməməsi üçün təcili addımlar atmağa çağırırlar. Xüsusilə, komanda strukturunun gücləndirilməsini və mütəmadi olaraq “potensial üsyançıların” müəyyən edilərək təcrid edilməsini zəruri hesab edirlər.

Xatırladaq ki, ABŞ-da növbəti seçkilər 2024-cü il noyabrın 5-nə təyin edilib. Bu, ölkədə 60-cı prezident seçkiləri olacaq.

Tural Tağıyev
AzVision.az



Teqlər:   ABŞ   Seçki   Tramp   İğtişaş  



Xəbər lenti


Azvision.az ©2014 | Bütün hüquqları qorunur