ABŞ Əfqanıstana 300 milyon dollardan çox humanitar yardım edəcək
"Birləşmiş Ştatlar Əfqanıstan xalqına 308 milyon dollardan çox yeni humanitar yardım göndərəcəyini elan edir. 2021-ci ilin oktyabr ayından bəri ABŞ-ın Əfqanıstana humanitar yardımının ümumi həcmi təxminən 782 milyon dollara çatır", - bəyanatda deyilir.
Qeyd olunub ki, Birləşmiş Ştatlar COVAX mexanizmi vasitəsilə Əfqanıstan xalqını COVID-19 əleyhinə əlavə bir milyon doza vaksinlətəmin edir ki, bu da ümumilikdə 4,3 milyon dozadır.
"Birləşmiş Ştatlar Əfqanıstan xalqını dəstəkləməyə sadiqdir və biz əlimizdə olan bütün variantları nəzərdən keçirməyə davam edirik", - məlumatda vurğulanıb.
Pərvanə Sultanova
AzVision.az
Teqlər: ABŞ Əfqanıstan