Almatıda iğtişaşların 2 minə yaxın iştirakçısı saxlanılıb
"Ümumilikdə, qanunsuz əməllərin, talanların və digər cinayətlərin 1678 iştirakçısı saxlanılıb. 36 ədəd odlu silah və 1476 döyüş sursatı müsadirə edilib”, - açıqlamada vurğulanıb.
Komendaturanın məlumatına görə, şəhərin Alatau və Medeu rayonlarının hissələri quldur dəstələrindən təmizlənib. Polis Almatı şəhəri boyunca quraşdırılmış beş nəzarət-buraxılış məntəqəsində 38 nəfəri saxlayıb.
Xatırladaq ki, yanvarın 2-də Qazaxıstanın bir sıra şəhərlərində etiraz aksiyaları keçirilib. Bu etirazlar sonradan iğtişaşlara çevrilib. Hadisələr nəticəsində minlərlə insan yaralanıb, ölənlərin dəqiq sayı məlum deyil. Prezident Kasım-Jomart Tokayevin müraciətindən sonra KTMT ölkələri respublikaya sülhməramlılar göndərib. Yanvarın 5-dən ölkədə fövqəladə vəziyyət rejimi qüvvədədir. Hakimiyyət orqanlarının məlumatına görə, bütün bölgələrdə konstitusiya quruluşu bərpa olunub.
Pərvanə Sultanova
AzVision.az
Teqlər: Qazaxıstan