Aİ Azərbaycan-Ermənistan sərhədində gərginlikdən narahatdır
"Tərəflər arasında gərginliyin azaldılması və mövcud mexanizmlərdən, xüsusən də 2021-ci ilin noyabrında Aİ-nin himayəsi altında müdafiə nazirlikləri arasında yaradılmış qaynar xəttdən tam istifadə edilməsi vacibdir. Avropa İttifaqı tərəflərlə işləməyə, sərhədlərin delimitasiyası və demarkasiyası üzrə Azərbaycan və Ermənistana əlavə dəstək verməyə hazır olduğunu bir daha bildirir", - diplomat qeyd edib.
Qeyd edək ki, dünən Ermənistan silahlı qüvvələrinin törətdiyi təxribat nəticəsində Azərbaycan Ordusunun hərbçisi şəhid olub.
Pərvanə Sultanova
AzVision.az