"Vaksinasiya "Omikron"u yüngül keçirməyə kömək edir" - İsveç alimləri

 "Vaksinasiya "Omikron"u yüngül keçirməyə kömək edir" -  İsveç alimləri
  20 Yanvar 2022    Oxunub:715
Peyvənd olunmuş və COVID-19 keçirənlərin orqanizmində əmələ gələn T-hüceyrələri koronavirusun "Omikron" ştammına yoluxduqda xəstəliyin ağır keçməsinin qarşısını alır.
AzVision.az xəbər verir ki, bu qənaətə İsveçin Karolina institunun bir qrup alimi gəlib.

"Nəticələrimiz peyvənd olunanların niyə "Omikron"u yüngül şəkildə keçirməsi haqqında daha aydın təsəvvür yaradır"- baş tədqiqatçı Markus Baqqert elmi portal "ScienceDaily"-ə müsahibəsində qeyd edib.

Məqalədə qeyd olunur ki, alimlər mRNK vaksinləri ilə peyvənd olunmuş insanlar üzərində tədqiqat aparıblar. Tədqiqatda ümumilikdə 128 nəfər iştirak edib. Onlar üç qrupa bölünüblər: peyvənd olunanlar, COVID-19 keçirənlər və əvvəllər virusa yoluxmayan və peyvənd olunmayanlar.

Peyvənd edilmiş qrupdan nümunələr peyvəndin ikinci dozasından altı ay sonra götürülüb. Əvvəllər virusa yoluxmuş qrupdan isə nümunələr doqquz ay sonra, yəni "Omikron" ştammı xəbəri çıxana qədər analiz edilib

Alimlərin gəldiyi nəticəyə görə, hər iki qrupdakı şəxslərin T-hüceyrələri "Omikron" tikanabənzər zülalını yaxşı tanımaq qabiliyyətini nümayiş etdirib. Lakin, ən yaxşı nəticə peyvənd olunmuş qrupda müşahidə edilib.

Daha əvvəl ÜST koronavirusun "Omikron" ştammının digər variantlardan daha sürətli yayıldığı və peyvənd olunmuş, sağalmış insanların da infeksiyaya yoluxduğunu bildirmişdi. Sentyabrın sonunda ÜST SARS-CoV-2-dən ölüm hallarının profilaktik immunizasiyadan imtina ilə əlaqəli olduğunu elan etmişdi.

İbrahim Məmmədov
AzVision.az

Teqlər: Omikron  







Xəbər lenti