Amerikanın "F-35" qırıcısının Cənubi Çin dənizində qəzaya uğraması anı lentə alınıb. AzVision.az xəbər verir ki, sosial şəbəkələrdə yayılan videoda qırıcının yöndəmsiz şəkildə enişə cəhd etməsi aşkar görünür.
Rusiya hərbi saytları isə yazırlar ki, kadrlar “Karl Vinson” təyyarədaşıyan gəmisinin ekipaj üzvlərindən biri tərəfindən təsadüfən çəkilib.
- Eniş kursuna daxil olur və göyərtəyə enir. Lakin göyərtəyə çatmayaraq gəminin yan tərəfinə toxunur və dənizə düşür. Hələlik təyyarənin qəzaya uğramasının səbəbi barədə rəsmi açıqlama yoxdur. Bəzi jurnalistlər artıq bunun Çinin elektron müharibə sistemlərinin təsiri nəticəsində yarana biləcək texniki nasazlıqla əlaqələndirirlər. Bununla belə əsas ehtimal pilotun səhvi göstərilir. Sadə dillə desək, pilot təyyarənin enməsi üçün nəzərdə tutulan zonanı düzgün hesablamayıb, müəyyən edilmiş ırazidə uçmaqdan qorxaraq sürəti azaldıb və qırıcını eniş trayektoriyasından bir qədər aşağı idarə edib. Son saniyədə səhvini başa düşüb və idarəetmə cihazının özünə tərəf çəkib. Beləcə təyyarənin burnu qaldırılıb. Pilot katapultdan istifadə etməyi bacarıb.