- Mütəxəssislər yaxın gələcəkdə İsrail Hərbi Hava Qüvvələrinin qırıcılarının Rusiya hərbi bazasının yerləşdiyi Latakiya limanına zərbələr endirə biləcəyi qənaətinə gəliblər. Suriya Ərəb Ordusunun Xəbərləri nəşrinə istinad edən ekspertlər İsrail aviasiyasının mümkün zərbə planlarından danışıblar.

Ukrayna “Dəmir günbəz” lərlə bağlı İsrailə müraciət edib

Qeyd edilir ki, hədəflər Dəməşq və Latakiya ola bilər. Üstəlik, sonuncu liman şəhəri prioritet sayılır. Çünki ora İrandan gəmi gəlir. Aviasiya izləmə xidmətinin məlumatına görə, İsrail Hərbi Hava Qüvvələrinin 122-ci eskadrilyasının təyyarəsi Hayfanın şimalında kəşfiyyat uçuşu həyata keçirib. Eyni zamanda, Dəməşq və Latakiyaya zərbələr endirmək üçün hədəf təyinetmə əməliyyatları həyata keçirilib. Şəkillər bu iki istiqamətdə uçuş marşrutunu göstərir,-məqalədə yazılıb.



Qeyd edək ki, son aylar Rusiya ilə Qərb ölkələri arasında Ukrayna məsələsinə görə gərginlik yaranıb. Bu beynəlxalq hərbi-siyasi gərginliyi "Ukrayna böhranı" da adlandırırlar. NATO və ABŞ rəsmiləri Rusiyanın Ukrayna ilə sərhədə 100 mindən çox qoşun toplamasını Moskvanın qonşusunu işğala hazırlaşması ilə əlaqələndirib. Rusiya rəsmiləri isə silahlı qüvvələrini öz ərazisində yerdəyişmə etmək üçün suveren hüquqa malik olduğunu bəyan edərək bu cür hərbi gedişlərin, heç kimi təhdid etmədiyini söyləyirlər.

ABŞ və bəzi Avropa ölkələri Ukraynada yeni münaqişənin başlanacağı təqdirdə Rusiyanı “görünməmiş sanksiyalarla” hədələyir. Bunun fonunda Şimali Atlantika Alyansı da Şərqi Avropada mövcudluğunu gücləndirir.

Tural Tağıyev
AzVision.az