Müharibənin bu həftə başlaya biləcəyini ABŞ-ın İsrail rəhbərliyinə çatdırdığını yayan“Haaretz" qəzeti Tel-Əvivin vətəndaşlarını Ukraynadan təxliyə etmək üçün səylərini sürətləndirdiyini yazıb.
Yaxınlaşan bu tarixlər Ukraynada böyük həyəcana səbəb olub. Rusiya prezidenti Vladimir Putinin Belarus sərhədinə yaxın olan Kiyevə birbaşa işğal cəhdi ssenarisinə hazır olduqlarını açıqlayan mer Vitali Kliçko şəhərdə fövqəladə vəziyyət elan edib və əhalinin şəhərdən çıxarılması üçün bütün işlərin başa çatdığını açıqlayıb.
İşğalın hər an başlaya biləcəyi və evakuasiya işlərinin başa çatdırılması ilə bağlı yayılan xəbərlər dinc əhali arasında böyük panika yaradıb. Paytaxt Kiyevdə Ukrayna ordusu mülki əhaliyə hərbi təlim keçməyə başlayıb.
Qeydə alınan son görüntülərdə ordunun ehtiyat hissələri müharibə vəziyyətində mülki şəxslərə ilkin silah təlimi keçir. Könüllülərdən ibarət qruplarda bütün yaş qruplarından iştirakçılar olub.
Təlim böyük marağa səbəb olsa da, paylaşılan görüntülər sosial mediada da böyük əks-səda doğurub. “Ukrayna müharibəyə hazırdır” şərhləri ilə paylaşılan fotolar Rusiyaya “qorxmuruq” mesajı kimi şərh edilib.
Aytən Zəhra
AzVision.az
Vaxtında, Aydın, Lazımlı!
-1783098976.jpg&h=190&w=280&zc=1&q=100)
