Jurnalist deputata şillə vurdu - Canlı yayımda əlbəyaxa dava+ VİDEO

Jurnalist deputata şillə vurdu - Canlı yayımda əlbəyaxa dava+ VİDEO
  19 Fevral 2022    Oxunub:3606
Ukraynada jurnalist Yuri Butusov "Ukrayna 24" kanalında Savik Şusterin "Söz Azadlığı" teleşousunun efirində "Həyat Naminə Müxalifət Platforması" partiyasından olan deputat Nestor Şufriçə hücum edib. AzVision.az xarici KİV-ə istinadən xəbər verir ki, jurnalist ukraynalı deputatı rusiyapərəst olmaqda günahlandırıb. Onlar arasında mübahisə bütün proqram boyu davam edib.
Butusovun fikrincə, hazırda rusiyayönlü təbliğatçıların çıxışına icazə verilməməlidir. Şufriç öz növbəsində bildirib ki, “Həyat naminə Müxalifət Platforması” fraksiyası parlamentdə ikincidir və “onun arxasında ukraynalılar dayanır”.

Butusov deputatı Rusiyanın Donbassda eskalasiyası zamanı rus nağıllarını yaymaqda ittiham edib.



Şufriç Ukraynada ukrayna, macar, həmçinin rus dillərində danışan insanların yaşadığını deyərkən jurnalist Şufriçə yaxınlaşıb və ona şillə vurub. Bundan sonra studiyanın qonaqları bir dəqiqədən çox davam edən davada əlbəyaxa olub. Rəqibləri uzun müddət bir-birindən ayırmaq mümkün olmayıb.



Davadan sonra Şufriç özünü təmizləmək üçün qısa müddətə studiyanı tərk edib. Qayıdanda o, jurnalistin ünvanına replika atıb. Hər ikisi proqramda iştirak etməyə davam edib.

Qeyd edək ki, Yuri Butusov "Senzor. yox" nəşrinin baş redaktorudur. Nestor Şufriç isə Ali Radada söz azadlığı komitəsinə rəhbərlik edir.



Şahanə Rəhimli
AzVision.az


Teqlər:



Xəbər lenti


Azvision.az ©2014 | Bütün hüquqları qorunur