Bildirilir ki, Le Mer ABŞ prezidenti Co Baydenin işlətdiyi “işğal” sözünün hazırda Ukraynada baş verənləri təsvir etmək üçün uyğun deyil.
- Sözlərinizi ölçüb-biçmək lazımdır. İşğal işğaldır. Və hesab edirəm ki, bu, həmin situasiya (Ukraynadakı vəziyyət - red.) üçün düzgün söz deyil. Biz Putinin növbəti günlər və saatlarda hansı addımları atacağına baxacağıq. Amma indi baş verənlər Ukraynanın ərazi bütövlüyünə qəsd etmək və beynəlxalq razılaşmaları şübhə altına almaq cəhdidir, - nazir BFMTV kanalının efirində deyib.
Xatırladaq ki, Rusiya Prezidenti Vladimir Putin fevralın 21-də Təhlükəsizlik Şurasının fövqəladə geniş iclasından sonra vətəndaşlara müraciət edərək, qondarma "LXR" və "DXR"-in suverenliyini dərhal tanımaq barədə qərar qəbul etməyi zəruri sayıb. Müraciətdən sonra Prezident Kremldə hər iki ərazini tanıyan fərmanlar imzaladı.
Tural Tağıyev
AzVision.az
Vaxtında, Aydın, Lazımlı!
-1783098976.jpg&h=190&w=280&zc=1&q=100)
