Mordviçevin ölüm xəbəri yayıldı: 3 həftəyə 5 general

Mordviçevin ölüm xəbəri yayıldı: 3 həftəyə 5 general öldürülüb

10:40 19 Mart 2022 Oxunub:2005

Ukrayna mediası daha bir rus generalın öldürülməsi barədə məlumat yayıb. AzVision.azxəbər verir ki, saytlar daxili işlər naziri müşaviri Vadim Denisenkoya istinad ediblər.

Bildirilir ki, hərbçilər Çernobaevkada generalı Andrey Mordviçevi uğurlu şəkildə aradan götürüblər. Bu isə Ukraynada öldürülən beşinci Rusiya ordusu generalı sayılır.

Ukraynada Rusiyanın 4 generalı öldürülüb

"Generalın öldürülməsi barədə DİN rəhbərinin müşaviri Vadim Denisenko milli telemarafonun efirində məlumat verib. Həmçinin, məlumatlar Baş Qərargahın 19 mart tarixinə olan əməliyyat xülasəsinə daxil edilib. Denisenko qeyd edib ki, "Biz Çernobaevkada beşinci generalı məhv etdik. Bu, Donbasdakı vəziyyətə görə məsuliyyət daşıyan rus ordularından birinin başçısı general-leytenant Mordviçevdir. Üç həftə ərzində beşinci general! Hətta mənim fikrimcə, İkinci Dünya Müharibəsində belə SSRİ-nin 3 həftə ərzində 5 generalını itirdiyi hallar olmayıb”. Ümumiyyətlə isə Ukrayna Silahlı Qüvvələri Xerson yaxınlığındakı Çernobaevka aerodromunda rus işğalçılarının mövqelərini altıncı dəfə məhv ediblər, - məqalədə yazılıb.

Xatırladaq ki, eyni aerodromda rusların mövqeləri ilk dəfə fevralın 27-də vurulub. Ukraynaya məxsus “bayraktarlar”ın zərbəsindən sonra Rusiya həmin yerə yeni helikopterlər yerləşdirmək məcburiyyətində qalmışdı. Martın 7 -də isə ukraynalılar eyni ərazidə 30-a yaxın helikopteri sıradan çıxardıqlarını açıqladılar. Martın 16-da Rusiya ordusunun daha 7 döyüş helikopterinin məhv edilməsi barədə məlumat yayıldı. Maraqlıdır ki, oxşar uğurlu əməliyyatların hamısı məhz eyni məkanda- Çernobaevkada baş tutub.

Bu gün də Ukrayna hərbçilərin martın 18-də növbəti dəfə Çernobaevkada Rusiya Cənub Hərbi Dairəsinin 8-ci birləşmiş silahlı ordusunun komandanlıq məntəqəsini ordu komandiri ilə birlikdə dağıtdıqları barədə məlumat yaydı. Ukrayna rəhbərliyi xeyli sayda təyyarə və helikopterlərin sıradan çıxarıldığını və ya zədələndiyini bəyan edib.

Tural Tağıyev
AzVision.az

Teqlər: General Rusiya Ukrayna